وألقى الرئيس السيسي كلمة بهذه المناسبة فيما يلي نصها:

“كل عام وانتم طيبين.. وقداسة البابا بخير وسلام واحنا كلنا بخير وسلام.. وإنشاء الله عام سعيد وسنة افضل من السنوات اللي فاتت”.

وتابع الرئيس قائلا:”أنا بتابع كل الأمور وبشوف كل ردود الأفعال.. والقلق يمكن يكون مبرر ومشروع .. وانتو لازم تعرفوا .. اني بكلم الدنيا من خلالكم.. والسنة دي أفضل من السنوات اللي فاتت.. والظروف الصعبة موجودة منذ سنوات.. واحنا هنعدي بسلام”.

ثم قال:” احنا هنا في مصر مش ناسيين انه فيه ربنا.. وربنا يحفظنا كلنا.. الأمور ممسوكة والدنيا مش متسابة من رب البشر.. وما حدش يعرف يعمل اي حاجة إلا بأمر الله..أحنا بناخد بكل الأسباب لحماية بلدنا.. واول حماية محبتنا كلنا لبعضنا.. ومخزون ورصيد وحجم المحبة بين المصريين بيزيد يوم عن يوم.. وحجم الوعي والفهم اللي موجود عند المصريين ضخم جدا ويخليهم مستعدين للتعامل مع اي امر داخل او خارج مصر”.

واختتم الرئيس كلمته بقوله:”لازم تطمنوا اني بتعامل دايما مع كل الأمور بشرف وامانة ونزاهة.. ومصر بلد كبيرة قوي.. وإن شاء الله الأيام اللي جاية تكون افضل من اللي فات..وقداسة البابا له مكانة كبيرة عندي وفي قلبي.. والله العظيم”.