الرئيس السيسى: إضافة 4.5 مليون فدان جديدة للرقعة الزراعية ويكشف وضعنا برنامجا ضخما لتهيئة مصر لانطلاق بمعايير الدولة الحديثة ومقومات الدولة تحدد قدرتها على تقديم الخدمات ومستوى المعيشة
الرئيس السيسي: فقدنا 7 مليارات دولار "دخل مباشر" من قناة السويس الاحتياج للدولار يؤثر على الأوضاع الاقتصادية بشكل كبير وضاعفنا إنتاج الكهرباء ونبيع أنبوبة البوتجاز بنصف سعرها
الرئيس السيسى: إضافة 4.5 مليون فدان جديدة للرقعة الزراعية ويكشف وضعنا برنامجا ضخما لتهيئة مصر لانطلاق بمعايير الدولة الحديثة ومقومات الدولة تحدد قدرتها على تقديم الخدمات ومستوى المعيشة
كتب : اللواء
قال الرئيس عبد الفتاح السيسي، إن التكلفة الخاصة بالبنية الأساسية على المشروعات التي نفذتها الدولة لم تؤثر على وضع الأسعار والمواطنين خلال السنوات الماضية بشكل إيجابي، متابعا: “فين تأثير ده على الأسعار.. ومش شايفين الأسعار تتراجع علشان نحس بالراحة.. أيوه طبعا.. لازم نعرف كويس إن الـ 10 سنوات كان كلهم جهد فى قدرة دولة للانطلاق”.
وأضاف الرئيس السيسي، خلال تفقد الأكاديمية العسكرية المصرية: “عملنا زيادة 4.5 مليون فدان فى الرقعة الزراعية خلال السنوات الماضية.. بنظم ري حديثة ونظم زراعة حديثة.. قبل كده كان نظام الري مش مكلف أوي.. لو عاوزين نزرع فى وادي النطرون أو توشكي.. لازم نجيب المياه دي سواء مياه النيل أو مياه المعالجة عكس الميل الطبيعي حتي تصل إلى مكان الزراعة من خلال محطات الرفع “يقصد أن تكلفة الزراعة مكلفة للغاية والري مكلف”.. ونفس الكلام فى محطة 3 يوليو.. ودخولها على الأرض الزراعية لزراعة 4.5 مليون فدان جديدة وبالتالي لم نشعر بأي حاجة لأني مفيش إنتاج منها “يقصد أن الزراعة تمت فقط ولكن الإنتاج لم يظهر منها”.
أكد الرئيس عبد الفتاح السيسي، أن الدولة المصرية فقدت 7 مليارات دولار “دخل مباشر وأموال سائلة” من قناة السويس خلال الـ 11 شهرا الماضية، متابعا: “بالرغم من كده وبفضل الله.. شهادة من صندوق النقد الدولي يقول إن مسار الإصلاح الاقتصادي فى مصر ماشي كويس.. فقدنا 7 مليارات دولار كان ممن نضخهم فى حاجات كتير فى البلد.. دول 350 مليار جنيه”.
وأضاف الرئيس السيسي، خلال تفقد الأكاديمية العسكرية المصرية: “ده لما بنقول آثار الحرب.. دي آثار الحرب.. حد عارف قد ايه نستهلك قمح فى السنة.. 20 مليون طن.. ننتج نصهم ونستورد نصهم.. لما نكون من 50 سنة الرقعة الزراعية فى مصر حوالي 6- 7 ملايين فدان.. وكان عددنا 30 مليون.. لو عدنا 10 ملايين فدان الآن والعدد 100 مليون شخص.. يبقي العدد قليل وبالتالي تكلفة الاستيراد أكبر.. طب ليه أيام محمد علي كان البلد وبعد كده عندها ظروف اقتصادية أفضل من الآن.. كان فيه رقعة زراعية كبيرة وعدد السكان قليل.. مكنشي فيه استيراد زراعي”.
أكد الرئيس عبد الفتاح السيسي، أنه كلما كانت الدولة فى حاجة للدولار كلما كانت الأوضاع الأقتصادية ليست الأفضل، متابعا: “لو طن القمح اللى بجيبه من مصر يكون بالجنيه وناتج محلي وعمالة.. لو بجيبه من بره هجيبه بالدولار وطبقا لسعر القمح وقتها”.
وأضاف الرئيس السيسي، خلال تفقد الأكاديمية العسكرية المصرية: “علينا أن ندرك بدون الفهم هيكون فيه إحساس أن المسؤول مقصر ولا يقوم بشغله.. لكن لو فهمت أقل حاجة هتقول ربنا يساعدك”.
قال الرئيس عبد الفتاح السيسي، إن الدولة المصرية حققت نجاحا كبيرا فى مجال الطاقة، متابعا: “كان عندنا أزمة قبل عام 2014 فى محطات إنتاج الكهرباء.. وعلشان تعمل كهرباء تعمل 3 حاجات.. إنتاج الطاقة نفسها ومكانش عندنا المحطات اللي تكفي.. وشبكة لنقل هذا الإنتاج.. ومحطات التحكم لتنظيم أداء هذه الشبكة.. علشان لما يحصل مشكلة ما نقدر ننظم الكهرباء بشكل أو بآخر”.
وأضاف الرئيس السيسي، خلال تفقد الأكاديمية العسكرية المصرية: “ده قطاع واحد ونقدر نتكلم فى القطاعات.. تضاعت إنتاج الكهرباء.. وحد يقول الصيف اللى فات وقبله كانت الكهرباء بتتقطع.. فيه فرق أني بقطع الكهرباء علشان أنا مش قادر اجيب الطاقة دي.. ودي بالعملة الحرة وانا مش بيبيع بتمنها الحقيقي.. ببيع لكتلة كبيرة بربع ثمنها”.
وتابع الرئيس السيسي: “تفتكرا أنبوبة البوتجاز ثمنها كام.. تمنها 325 – 340 جنيها.. وتباع بـ 150 جنيها.. يعني أقل من نص تمنها.. كام أنبوبة فى السنة.. حوالي 300 مليون أنبوبة فى السنة”.
وأضاف الرئيس السيسي،، أن الدولة المصرية لا تبيع الطاقة بسعرها الحقيقي للمصريين، متابعا: “مقومات الدولة هي التي تحدد قدرتها على تقديم خدمات مناسبة للمواطنين”.
قال الرئيس عبد الفتاح السيسي، إن الاحتياطي الخاص بالدولة المصرية انتهي “كله خلص” خلال أعوام التغيير 2011 و2012 و2013، متابعا: “ده كان عبارة عن ايه.. القدرة الاقتصادية للدولة على تلبية الاحتياجات لعدد معين من الشهور”.
قال الرئيس عبد الفتاح السيسي، إن مقومات الدولة هي التى تحدد قدرتها على تقديم الخدمات وتقديم مستوى معيشة مناسب للمواطنين، متابعا: “لازم نبقي عارفين كده.. يعني الموضوع مش مرتبط بإرادة سياسية وإرادة الحكومة فقط”.
وأكد الرئيس عبد الفتاح السيسي، إن الدولة تعمل على زيادة المياه المحلاة والمعالجة لمواجهة الفقر المائي.
وتابع الرئيس السيسي: “الموضوع مش مرتبط فقط بإرادة سياسية أو إرادة حكومة فقط، مفيش شك إن مفيش مسؤول على أي مستوى مش عاوز يقدم أفضل حاجة لشعبه، لازم نكون كلنا النقطة دي منتبهين منها.. ولكن يا ترى الظروف والإمكانيات اللي عندنا تقدر تحقق لنا ولا لا؟ نحدد بعض النقاط اللي مرت على مصر خلال العشر سنين اللي فاتت، وبقول لكم كلكم، لو عاوزين الإجابة تبقى أكثر يسرا ليكم، لو أي حد تعرض لمشكلة، أي بيت تعرض لمشكلة، المشكلة دي بيبقى لها تأثير على البيت دا لفترة”.
وأضاف الرئيس السيسي، خلال تفقد الأكاديمية العسكرية المصرية: “مفيش شك أن مفيش مسؤول على أي مستوى مش عاوز يقدم أفضل حاجة لشعبه.. الفكرة كلها يا تري الظروف والإمكانيات اللى عندنا تقدر تحقق لنا ولا لا”.
وفى السياق ذاته.. أكد الرئيس عبد الفتاح السيسي، إنه يجب تحديد عدة أمور أو نقاط مرت على مصر خلال الـ10 سنوات الماضية، متابعا: “لو عاوزين الإجابة فيها سهولة ويسر.. على سبيل المثال لو أي بيت تعرض لمشكلة هذه المشكلة يكون لها تأثير على البيت لفترة.. لو بنتكلم على المدى القصير لمصر يبقى 10 سنوات”.
وأضاف الرئيس السيسي: “خلال الـ 10 سنوات الماضية تعرضت مصر لأمور كثيرة بداية من أحداث التغيير التي تمت فى أعوام 2011 و2012 و2013.. ولما بنتكلم عن الأحداث دي مفيش حاجة بتتعمل مش بيكون لها أثر وتكلفة”.
