الرئيس السيسى: أنشأنا 25 جامعة لإعداد الشباب تكنولوجيا علشان ننتج كل حاجة بمصر

كتب : اللواء 

أكد الرئيس عبد الفتاح السيسي، أن الدولة أنشأت 25 جامعة خلال 10 سنوات، وتمت مضاعفة عدد الجامعات في مصر ودعموها بعلوم العصر، قائلا: “عملنا كدة عشان نقدر نقدم لكم كمستثمرين ورجال صناعة منتجا تعليميا للشاب أو الفتاة، يقدر لما تطلبه يعمل عندكم يكون مؤهلا”.

واستكمل: “أنشأنا 25 جامعة خلال 10 سنوات وضاعفنا العدد بجامعات شملت علوم العصر، علشان عايزين ننتج كل حاجة في مصر، على الأقل في الحاجات اللي التكنولوجيات بتاعتها مش معقدة”.

أكد الرئيس عبدالفتاح السيسي أن مصر مهتمة بتشجيع المستثمرين ودعمهم، وقال: «معندناش ترف أبدًا إننا نضيع وقت غير في تشجيع المستثمرين عشان يشتغلوا ويطوروا ويستثمروا، وهقول مثال في 2016 و2017 كان لي فرصة أزور دول كتير زي اليابان وكوريا، واتكلمت عن السيارة الكهربائية وإننا في مصر مهتمين بهذا الموضوع».

وأضاف الرئيس السيسي: «قلت إذا كانت صناعة السيارات التقليدية فاتتنا، ندخل في موضوع العالم كله شغال فيه، وقلنا مستعدين نقدم الحوافز اللي بتنجح صناعة السيارات الكهربائية في مصر، ونعمل مقر للشركة، ومرصود لهذا الأمر 100 مليار جنيه محطوطين من الدولة».

ووجه كلامه للمستثمرين: «لو عايز تعمل صناعة سيارات كهربائية في مصر مستعدين نخش في ده عشان الصناعة متبقاش عبء على المستثمرين والأرض هخصصها وهعمل المطلوب مني، وأنت عليك تجيب المعدات المطلوبة للإنتاج وتدير العمل. وبنعمل ده مش عشان نشاركك كدولة ولكن عشان نشجعك، ومفيش حاجة تعمل لك إعاقة».

جاء ذلك خلال لقاء الرئيس، برؤساء عدد من كبريات الشركات الدولية العاملة في قطاع الصناعة، المشاركين في النسخة الثالثة من الملتقى والمعرض الدولي السنوي للصناعات الذي يعقد في مصر خلال الفترة من 25 إلى 27 نوفمبر الجاري، بحضور الدكتور مصطفى مدبولي رئيس مجلس الوزراء، والمهندس كامل الوزير نائب رئيس مجلس الوزراء للتنمية الصناعية ووزير الصناعة والنقل، والمهندس محمد زكي السويدي رئيس اتحاد الصناعات المصرية.