أول تعليق بعد إغلاق فروعه.. رئيس شركة بلبن يستغيث: «أنا خدام الدولة» 

كتب : اللواء 

قال مؤمن عادل، المدير التنفيذي ورئيس مجلس إدارة شركة «بلبن»، إن السلسلة مصرية وليست سورية كما أشيع، معقبًا: «ده براند مصري» 

وأضاف عادل في تصريحات عبر برنامج «الحكاية»، بقناة «إم بي سي مصر»، اليوم الجمعة، إنه في الأساس طبيب بيطري، ويحمل الجنسية المصرية وليس سوريًا، متابعًا: «المجموعة مملوكة لمجموعة شباب مصريين».

وأشارت إلى مجموعة «بلبن» موجودة في 10 دول عربية منها السعودية والإمارات والكويت، ويعمل بها 25 ألف عامل، متابعًا: «طوال 4 سنوات سابقة لم يكن هناك أية شكاوى أو محاضر من الصحة سواء في مصر أو أي من الدول الأخرى. ولا محل اتقفل بسبب حاجة صحية ولا في حالة تسمم واحدة».

وأشار إلى أن فروع المجموعة في السعودية أغلقت لأسباب صحية، نتيجة «اشتباه في حالات نزلات معوية»، لافتًا إلى أن هذه الفروع سيتم إعادة فتحها خلال أسبوع.

وأوضح: «اللي حصل غريب ومفاجئ، فجأة في يوم وليلة اتقفلت جميع الفروع (6 برندات مختلفين)، ومحدش بلغنا إيه المشكلة، مفيش محاضر تسمم غذائي، مفيش غير محضر واحد في الشيخ زايد بـ(تلبك معوي)، وتواصلنا مع هذا الشخص، بنبيع ملايين الوجبات شهريا، ومكنش في أي مشكلات».

وتابع رئيس مجلس إدارة شركة «بلبن»: «قولي إيه المشكلة وإحنا نحلها، معقولة البكتيريا موجودة في كل الفروع، إحنا ملتزمين بما يتم اتخاذه من قبل الدولة، معندناش مشكلة في أي اشتراطات تفرضها، إحنا ولاد البلد، أنا خدام الدولة، واللي عايزها هنعمله، ولو خالفت القانون اتحاسب».

وقدم «عادل» استغاثة إلى رئيس الجمهورية لحل هذه المشكلة، قائلا: «عندنا عمال مش عارف أقولهم إيه، ومش عارف قفلنا ليه؟ وهنفتح امتى؟ أي حاجة تطلب من أي جهة في الدولة هنفذها، مستعد أعمل أي حاجة، أي حاجة هعملها بس الفروع تفتح، إحنا مش عايزين حاجة فوق القانون».

وتابع: «متأكد إن الأمور هتتحل، والفروع هفتح تاني، إحنا براند ناجح، اعتبرنا لاعب كرة أو مغني أي حد ناجح، لو أنا غلطت غلطة، قولي واديني فرصة».