كامل الوزير: «الموظفين بتسهر معايا في الوزارة لحد 11 بالليل.. بقولهم روحوا مبيرضوش»
كامل الوزير: «الموظفين بتسهر معايا في الوزارة لحد 11 بالليل.. بقولهم روحوا مبيرضوش»
كتب : اللواء
قال الفريق كامل الوزير، نائب رئيس مجلس الوزراء، وزير الصناعة والنقل، إن ما طبقه سابقًا في وزارة النقل يطبقه حاليًا في وزارة الصناعة.
أضاف «الوزير» خلال مؤتمر صحفي للحكومة من العاصمة الإدارية، الخميس: «اللي اتعمل في وزارة النقل بيتعمل دلوقتي في وزارة الصناعة، زي ما كان الناس في الأول في بداية الشغل بتطفش من وزارة النقل وزعلانين ومتضايقين إنهم بيشتغلوا، حصل في وزارة الصناعة».
وتابع: «لكن النهارده روح هيئة التنمية الصناعية يوم السبت مثلا هتلاقي الناس مبسوطين إنهم شغالين، الإنسان المصري ذكي ولماح، ولما بيلاقي فرصة كويسة يخدم بلده وتطلع طاقاته، بيشتغل».
وأكمل «الوزير»: «أنا عندي الناس (الموظفين) دلوقتي في وزارة النقل بتسهر معايا لحد 11 بالليل، لأني بروح بعد الظهر، وأقول لهم روحوا وامشوا خلاص، محدش عايز يمشي، على ما بتعود ابنك وزميلك… بحييهم، أنا أول ما رحت كانوا متضايقين، ودلوقتي كلهم بييجوا الصبح قبلي وبيعملوا البصمة ومش بيروحوا غير لما أنا بمشي، المصريين بخير».
